ការបកប្រែលទ្ធផលក្រោយការថតស្កែន MRI ក្រពេញប្រូស្តាត

Last updated: ខែ​មីនា 6, 2024

• ហ្វេសប៊ុក
• Instagram
• ប្លក, រូបភាព
• តេឡេក្រាម
• កម្មវិធី WhatsApp
• LinkedIn
• សំបុត្រ

ដោយសារតែការព្រួយបារម្ភផ្នែកវេជ្ជសាស្រ្ត និងកម្មវិធីលើកកម្ពស់សុខភាពយ៉ាងសកម្មក្នុងពេលនេះ មួយថ្ងៃៗសុភាពបុរសជាច្រើនដែលទំនងជាសង្ស័យលើជំងឺមហារីកក្រពេញប្រូស្តាតនឹងនាំមកជួបខ្ញុំនៅការិយាល័យ Urology ។ កាលពីមុន នៅពេលដែលយើងសង្ស័យថាមានជំងឺមហារីកក្រពេញប្រូស្តាត យើងមានវិធីសាស្រ្តតែមួយគត់ដើម្បីណែនាំពួកគេ។ យើងតែងតែណែនាំពួកគេឱ្យធ្វើនីតិវិធីធ្វើកោសល្យវិច័យជាលិកាក្រពេញប្រូស្តាត។ ចាប់តាំងពីពេលនោះមក មិនមែនអ្នកជំងឺទាំងអស់ទទួលបានលទ្ធផលវិជ្ជមាននៃជំងឺមហារីកក្រពេញប្រូស្តាតពីការធ្វើកោសល្យវិច័យទេ! វាបានធ្វើឱ្យយើងខកចិត្តយ៉ាងខ្លាំងចំពោះនរណាម្នាក់ដែលមិនមានជំងឺមហារីកក្រពេញប្រូស្តាត ជំនួសឱ្យការទទួលការធ្វើកោសល្យវិច័យដែលមិនចាំបាច់ ហើយជាលទ្ធផលទទួលរងនូវភាពអយុត្តិធម៌យ៉ាងខ្លាំងជាមួយនឹងផលវិបាកទាំងនេះ។

• ឈឺរន្ធគូថ
• ឈាមក្រសាលគូថ
• នោមឈាម
• កម្រជួប ប៉ុន្តែមានបញ្ហាគួរអោយបារម្ភ- មានការបង្កររោគនៅក្នុងចរន្តឈាមដោយសារការច្រឹបសាច់។

បច្ចុប្បន្ននេះ ការប្រើឧបករណ៍ MRI prostateក្រពេញប្រូស្តាត ជាវិធីដ៏ល្អមួយក្នុងការវាយតម្លៃនឹងបញ្ជាក់អោយបានច្បាស់សម្រាប់អ្នកជម្ងឺដែលចាំបាច់ដែលតម្រូវអោយច្រឹបសាច់ឬមិនចាំបាច់ច្រឹបសាច់។ ក្នុងប្រធានបទមួយនេះយើងនឹងជជែកគ្នាអំពីការបកប្រែលទ្ធលផលក្រោយពីការស្កែនដោយប្រើឧបករណ៍ MRI prostate នេះហើយ។ នៅពេលដែលអ្នកជំនាញខាងផ្នែករូបភាពវេជ្ជសាស្រ្ត well-trained radiologist សរសេររបាយការណ៍ការបកប្រែលើលទ្ធផលការស្កែនដោយប្រើឧបករណ៍ MRI prostate ប្រូស្តាត គឺពួកគាត់តែងតែរាយការណ៍តាមរយៈប្រព័ន្ធមួយដែលយើងហៅថា “PI-RADS” ។ ការរាយការណ៍អំពី PI-RADS នឹងគិតជាតម្លៃចន្លោះពី 1-5 ហើយតម្លៃនេះវាប្រែប្រួលទៅតាមកម្រិតព័ត៏មានដែលផ្តល់ការសង្ស័យទៅលើជម្ងឺមហារីកក្រពេញប្រូស្តាត វាបាននាំអោយមានភាពងាយស្រួលក្នុងការសម្រេចចិត្តទាំងគ្រូពេទ្យនឹងអ្នកជម្ងឺ។ ខាងក្រោមនេះជាគំរូនៃលទ្ធភាពនិងឳកាសក្នុងការប្រឈមទៅនឹងជម្ងឺមហារីកក្រពេញប្រូស្តាតកាចក្នុងករណីធ្វើការច្រឹបសាច់ក្រោយការស្កែននាំមុខដោយឧបករណ៍ស្កែន MRI prostate រួចហើយ។

ការបកប្រែលទ្ធផលក្រោយការថតស្កែន MRI ក្រពេញប្រូស្តាត

• PI-RADS 1 - លទ្ធភាពដែលមិនមែនជម្ងឺមហារីក - 0% ជាមហារីកក្រពេញប្រូស្តាតកាច
• PI-RADS 2 - ប្រហែលជាមិនមែនមហារីក - 0% ជាមហារីកក្រពេញប្រូស្តាតកាច
• PI-RADS 3 - ស្រពិចស្រពិលជាមហារីកឬមិនជាមហារីក - 8.9% ជាមហារីកក្រពេញប្រូស្តាតកាច
• PI-RADS 4 - ប្រហែលជាមហារីក - 21.4% ជាមហារីកក្រពេញប្រូស្តាតកាច
• PI-RADS 5 - ភាគច្រើននិងញឹកញយជាមហារីក - 62.7% ជាមហារីកក្រពេញប្រូស្តាតកាច

តាមរយៈទិនន្ន័យដែលបានណែនាំ យើងមើលឃើញថា ការច្រឹបសាច់អាចធ្វើទៅបានតែចំពោះអ្នកជម្ងឺណាម្នាកដែលទទួលលទ្ធផលពី PI-RADS ពិន្ទុយ៉ាងហោចណាស់ក៏លេខ 3ដែរ។ តែទោះជាយ៉ាងណាក៏ដោយ នេះវាគ្រាន់តែជាព័ត៏មានបន្ថែម ដែលតម្រូវអោយយើងមានការប្រុងប្រយ័ត្នខ្ពស់ក្នុងការផ្តល់ការពិនិត្យនិងពិភាក្សាដល់អ្នកជម្ងឺ ដើម្បីកុំអោយមានភាពមន្ទិលនិងទទួលបានលទ្ធផលការធ្វើរោគវិនិច្ឆ័យដែលច្បាស់លាស់។ ប្រសិនលោកអ្នកមានចម្ងល់ឬសំនួរផ្សេងៗពាក់ព័ន្ធទៅនឹងជម្ងឺនេះ សូមលោកអ្នកស្វែងរកវេជ្ជបណ្ឌិតជំនាញផ្នែកជម្ងឺប្រព័ន្ធទឹកនោមដើម្បីពិភាក្សា។ ក្នុងនោះដែរលោកអ្នកអាចផ្ញើសំនួរផ្សេងៗមកកាន់ខ្ញុំបាន ខ្ញុំរីករាយនឹងឆ្លើយតបទៅលោកអ្នកវិញ។ សូមអរគុណ

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ.