ការរក្សាទឹកនោមបណ្តោះអាសន្ន៖ ការគ្រប់គ្រង

Last updated: ខែ​មីនា 6, 2024

• ហ្វេសប៊ុក
• Instagram
• ប្លក, រូបភាព
• តេឡេក្រាម
• កម្មវិធី WhatsApp
• LinkedIn
• សំបុត្រ

ជម្ងឺទប់នោមមិនជាប់ Urinary incontinence (UI) វាជាជម្ងឺដ៏សាមញ្ញមួយដែលអ្នកជម្ងឺតែងតែមកពិភាក្សាជាមួយខ្ញុំនៅក្នុងបន្ទប់ពិភាក្សាជម្ងឺ។ ជម្ងឺទប់នោមមិនជាប់ត្រូវបានកំនត់ថាជាជម្ងឺពាក់ព័ន្ធទៅនឹងប្រព័ន្ធសាច់ដុំប្លោកនោមខ្សោយ ដែលធ្វើអោយមានការលិចនោម ជម្ងឺប្រភេទនេះបានជះឥទ្ធិពលដល់មនុស្សរាប់លាននាក់នៅលើផែនដីនេះ ហើយអាការៈនៃជម្ងឺនេះនឹងកាន់តែកើនឡើងនៅពេលដែលយើងកាន់តែចាស់។ អ្នកជម្ងឺភាគច្រើនដែលមានអាការៈដំបូងនៃជម្ងឺនេះ គាត់តែងតែភ័យស្លន់ស្លោរនឹងស្វែងរកវេជ្ជបណ្ឌិតជំនាញ ដើម្បីព្យាបាលជម្ងឺនេះអោយបានម៉ត់ចត់។ ក្នុងនោះដែរមានដំណឹងល្អនិងដំណឹងមិនល្អនៅលាយឡំគ្នា ដោយអាចមានការកើតឡើងមកវិញនៃជម្ងឺនេះ តែប្រសិនបើយើងបានព្យាបាលវាត្រឹមត្រូវ ដូច្នេះជម្ងឺនេះវានឹងបានដោះស្រាយ ដោយមិនចាំបាច់ប្រើវិធីតាមដានអ្វីលើវាបន្ថែមទៀតឡើយ។ ក្នុងប្រធានបទនេះយើងនឹងជជែកគ្នាអំពី “ជម្ងឺទប់នោមមិនជាប់រយៈពេលខ្លី”។

ជម្ងឺទប់នោមមិនជាប់រយៈពេលខ្លី គឺជាអាការៈនៃការត្រឡប់មកវិញនៃការពិបាកទប់នោមរួមផ្សំជាមួយការកើតឡើងភ្លាមៗដោយអាការៈនេះវាបានបង្ហាញក្នុងរយៈពេលតិចជាង៦ខែនៃការវាយតម្លៃជម្ងឺ។ មានមូលហេតុមួយចំនួនដែលបង្ករអោយវាត្រឡប់មកវិញ យើងអាចងាយនឹងហៅឈ្មោះអាការៈនៃជម្ងឺនេះជាភាសាអង់គ្លេសថា mnemonic DIAPPERS

មូលហេតុដែលអាចផ្លាស់ប្តូរបាន។ ការរក្សាទឹកនោមបណ្តោះអាសន្ន

• ការរវើរវាយ Delirium
• ការបង្កររោគដែលនាំអោយមានការរលាក
  • រាល់ការបង្កររោគដែលពាក់ព័ន្ធ
  • ជាពិសេសការរលាកប្រព័ន្ធបង្ហួរនោម

• ការរលាកភ្នាសសាច់ទ្វារមាស Atrophic vaginitis
• ពាក់ព័ន្ធនិងឪសថ Pharmaceuticals
  • ថ្នាំប្រឆាំងសម្ពាធឈាមខ្ពស់ Antihypertensives
  • ថ្នាំបំបាត់ការឈឺចាប់ -ពពួក NSAID, Opioids derivative
  • ថ្នាំព្យាបាលជម្ងឺផ្លូវចិត្ត - ពពួកប្រឆាំងភាពតានតឹង ឬថ្នាំសណ្តំ
  • ភេសជ្ជះដែលមានសារធាតុស្រវឹង - វាបង្កើនការផលិតទឹកនោម និងធ្វើអោយប្រព័ន្ធសរសៃប្រសាទខុសប្រក្រតី។
  • ពពួកប្រឆាំងសារធាតុ ហ៊ីសស្ទីម៊ីន - ដែលវាមានមុខងារកន្ត្រាក់នៃប្លោកនោម។

• ពាក់ព័ន្ធនឹងសុខភាពផ្លូវចិត្ត Psychological disorder
  • ជម្ងឺតប់ត្រម៉ល់និងតានតឹង Depression
• ការបត់ជើងតូចច្រើន Excessive urine output
  • ពាក់ព័ន្ធនឹងកម្រិតជាតិស្កឡើង
• មិនសូវមានចលនា Reduced mobility
  • អ្នកជម្ងឺដែលសម្រាន្តនៅនឹងគ្រែ
  • អ្នកជម្ងឺធម្មតាដែលចូលសម្រាកក្នុងពេទ្យហើយ មិនសូវមានចលនាអ្វី នៅតែលើគ្រែយូរពេក។
• ពិបាកបត់ជើងធំ (ទល់លាមក) Stool impaction
  • លាកមកច្រើននៅក្នុងពោះវៀនធំ វាអាចសង្កត់បង្ហួរនោម ហើយវានឹងបង្ករភាពពិបាកនៅពេលបត់ជើងតូច។

នៅពេលដែលអ្នកជម្ងឺមកជួបខ្ញុំជាមួយនឹងអាការៈដែលពាក់ព័ន្ធនឹងការទប់នោមមិនជាប់នេះ រាល់ព័ត៏មាននិងកត្តាប្រឈមដូចដែលបានរៀបរាប់ពីខាងលើនឹងត្រូវបានកត់ត្រាទុក ហើយធ្វើការកែតម្រូវវាបានត្រឹមត្រូវបើអាចធ្វើបាន។ នៅពេលដែលរាល់បញ្ហានិងកត្តាប្រឈមទាំងឡាយរបស់អ្នកជម្ងឺត្រូវបានដោះស្រាយហើយ ដូច្នោះជម្ងឺដែលមានឈ្មោះថា “ជម្ងឺទប់នោមមិនជាប់រយៈពេលខ្លី” នឹងត្រូវបានវិនិច្ឆ័យ។ តែប្រសិនបើវាមិនមែនជាជម្ងឺនេះទេ ការវាយតម្លៃផ្សេងទៀតដែលចាំបាច់ដែលត្រូវធ្វើនឹងត្រូវអនុវត្តដើម្បីរាវរកមូលហេតុនៃជម្ងឺទប់នោមមិនជាប់នេះ។ ជួបគ្នាជាថ្មីសម្រាប់ប្រធានបទក្រោយៗទៀត។

រាល់ចម្ងល់ សូមផ្ញើរសារមក ខ្ញុំ.