កត្តាហានិភ័យដែលអាចកែប្រែបានលើការការពារជំងឺមហារីកក្រពេញប្រូស្តាត

Last updated: ខែ​មីនា 6, 2024

• ហ្វេសប៊ុក
• Instagram
• ប្លក, រូបភាព
• តេឡេក្រាម
• កម្មវិធី WhatsApp
• LinkedIn
• សំបុត្រ

នៅពេលដែលមានអ្នកជម្ងឺជាច្រើនបានសួរខ្ញុំទាក់ទងនឹងវិធីការពាជម្ងឺមហារីកក្រពេញប្រូស្តាត ដូច្នេះក្នុងប្រធានបទមួយនេះ ខ្ញុំនឹងបង្ហាញលោកអ្នកអំពីចំនុចសំខាន់ចំនួន6ចំនុចដែលអាចជួយកាត់បន្ថយការប្រឈមនិងការការពារអ្នកអោយចៀសផុតជម្ងឺមហារីកក្រពេញប្រូស្តាតបាន ដោយអ្នកអាចនឹងយកទៅអនុវត្តដោយខ្លួនអ្នកផ្ទាល់។ ក្នុងនេះដែរអ្នកត្រូវដឹងថាអាត្រាការកើតជម្ងឺមហារីកក្រពេញប្រូស្តាតគឺវាមានការជះឥទ្ធិពលផ្ទាល់ពីប្រវត្តិគ្រួសារផង ជាតិពន្ធផងជាដើម ហើយការជះឥទ្ធិពលពីកត្តាទាំងនេះ គឺយើងមិនអាចកែប្រែវាបាននោះទេ។ យើងចាប់ផ្តើមបង្ហាញទិនន្ន័យទាំងនេះដោយមានឯកសារយោងពី (The reference was from World Journal of Oncology 2019) ។

ការការពារជំងឺមហារីកក្រពេញប្រូស្តាតផ្អែកលើភស្តុតាង

1. ចំនីអាហារ
   • ជាតិខ្លាញ់ដែលមកពីសាច់សត្វ - ហូបសាច់ច្រើន,ជាតិខ្លាញ់ដែលមាននៅក្នុងសាច់នោះ គឺវាបានបង្កើនកម្រិតប្រឈមទៅនឹងមហារីកក្រពេញប្រូស្តាត។
   • សាច់ក្រហម - ហូបច្រើនជាង ៥ដងក្នុងមួយសប្តាហ៍ វានឹងបង្ហាញនូវការប្រឈមខ្លាំងទៅនឹងជម្ងឺមហារីកក្រពេញប្រូស្តាត។
   • កាល់ស្យូម - បរិភោគច្រើនជាង 2,000មីលីក្រាមក្នុងមួយថ្ងៃ វាអាចននឹងប្រឈមយ៉ាងខ្លាំងទៅនឹងជម្ងឺមហារីកក្រពេញប្រូស្តាត។
   • បន្លែដែលមានទម្រង់លក្ខណៈពណ៌បៃតងចាស់ - ក្រុមបន្លែទាំងនេះអាចជួយកាត់បន្ថយការប្រឈមនឹងជម្ងឺមហារីកបានខ្លះដែរ (ឧទាហរណ៍៖ ផ្កាខាត់ណាប្រូខូលី,ស្ពៃក្តោបប្រូហ៊ែ្សលស្រ្ពៅ,ផ្កាខាត់ណា និងស្ពៃក្តោប)។
   • សារធាតុនៅក្នុងសណ្តែកនិងតែបៃតង -ឃែតឈីនមាននៅក្នុងតែបៃតង ចំណែក អៃសូហ្លាវ៉ូនមាននៅក្នុងសណ្តែកសៀង សារធាតុទាំងពីរនេះបង្ហាញពីការអាចការពារនិងប្រឆាំងនឹងជម្ងឺមហារីកក្រពេញប្រូស្តាតបាន។
   • ពពួកផ្លែប៉េងប៉ោះនិងឡៃខូផេន- ឡែខូផេនជាសារធាតុប្រឆាំងនឹងកោសិការសេរី សារធាតុនេះបង្ហាញពីការអាចការពារនឹងប្រឆាំងនឹងជម្ងឺមហារីកក្រពេញប្រូស្តាតបាន។ មានការសិក្សាមួយបានបង្ហាញថា បរិភោគប៉េងប៉ោះ 2-4ផ្លែក្នុង១សប្តាហ៍អាចជួយកាត់បន្ថយការប្រឈមនឹងមហារីក្រពេញប្រូស្តាតបាន។

2. វីតាមីណ និងសារធាតុរ៉ែ
   • វីតាមីនដេ - កម្រិតវីតាមីនដេដែលមិនគ្រប់គ្រាន់ អាចនឹងបន្ថែមការប្រឈមទៅនឹងជម្ងឺមហារីកក្រពេញប្រូស្តាតបាន។
   • សេលីនាម- 50-60%ប្រឈមនឹងជម្ងឺមហារីកក្រពេញប្រូស្តាត ក្នុងករណីបរិភោគសារធាតុសេលីនាមច្រើន។

3. ការពិសារគ្រឿងស្រវឹង
   • ការពិសារគ្រឿងស្រវឹងច្រើនលើសលប់ធ្វើអោយប្រឈមខ្លាំងនឹងជម្ងឺមហារីកក្រពេញប្រូស្តាត។
   • 5%ដែលបង្កើនអោយមានការប្រឈមទៅនឹងជម្ងឺមហារីកក្រពេញប្រូស្តាត បើផឹកគ្រឿងស្រវឹងជាប្រចាំ១ថ្ងៃមួយកែវ។
   • 21%ដែលបង្កើនអោយមានការប្រឈមទៅនឹងជម្ងឺមហារីកក្រពេញប្រូស្តាត បើផឹកគ្រឿងស្រវឹងជាប្រចាំ១ថ្ងៃបួនកែវ។
4. ការបរិភោគសារធាតុកាហ្វេអ៊ីន
   • ការបរិភោគកាហ្វេបង្ហាញថាវាអាចជួយការពារជម្ងឺមហារីកក្រពេញប្រូស្តាតបាន
   • មានការសិក្សាដែលគួរអោយចាប់អារម្មណ៍មួយរកឃើញថាអ្នកដែលចូលចិត្តបរិភោគកាហ្វេច្រើនដងក្នុងមួយថ្ងៃ គឺវាបានជួយការពារនឹងប្រឆាំងទៅនឹងប្រភេទជម្ងឺមហារីកក្រពេញប្រូស្តាតកាចបាន។

5. ជម្ងឺធាត់
   • ជម្ងឺធាត់នឹងអ្នកដែលមានកំហាប់ខ្លាញ់ក្នុងរាងកាយ body mass index (BMI) ខ្ពស់ គឺងាយនឹងប្រឈមទៅនឹងជម្ងឺមហារីកក្រពេញប្រូស្តាត។
   • ការធ្វើលំហាត់ប្រាណវាជាវិធីដ៏ងាយស្រួលមួយក្នុងការអនុវត្តន៍ ដែលវាអាចជួយប្រឆាំងជម្ងឺមហារីកក្រពេញប្រូស្តាតបាន។
   • មានរបាយការណ៍ដ៏គួរអោយចាប់អារម្មណ៍មួយបានបង្ហាញថា អ្នកជម្ងឺមហារីកដែលគាត់បានធ្វើលំហាត់ប្រាណជាប្រចាំ គឺអាចពន្យាការព្យាបាលដោយការចាក់អ័រមនបានដល់ទៅ២ឆ្នាំ នេះបើប្រៀបធៀបជាមួយនឹងអ្នកជម្ងឺដែលមិនធ្វើលំហាត់ប្រាណ។
6. អ្នកជក់បារី
   • មិនទាន់មានរបាយការណ៍ណាមួយដែលបានបញ្ជាក់ថាអ្នកជក់បារីមានការពាក់ព័ន្ធទៅនឹងជម្ងឺមហារីកក្រពេញប្រូស្តាតនៅឡើយទេ។
   • ផ្ទុយទៅវិញ ប្រសិនអ្នកជម្ងឺមហារីកក្រពេញប្រូស្តាតបែរជាចូលចិត្តជក់បារីទៅវិញ នោះអាត្រាដែលធ្វើអ្នកជម្ងឺប្រឈមនិងអាត្រាមរណៈគឺទ្វេរដង។

ជម្ងឺមហារីកក្រពេញប្រូស្តាតជាជម្ងឺដ៏សាមញ្ញមួយដែលយើងរកឃើញបរុសភាគច្រើនបានទទួលរងនូវជម្ងឺនេះ។ ជម្ងឺមួយនេះយើងតែងតែរកឃើញអ្នកប្រឈមភាគច្រើនគឺពួគគាត់បានទៅទទួលការពិនិត្យសុខភាពដែលមានលក្ខណៈទៀងទាត់របស់ពួគគាត់នៅកន្លែងពិនិត្យសុខភាពទូទៅនាមន្ទីរពេទ្យនីមួយៗ។ ការការពារគឺជាមធ្យោបាយដ៏ល្អមួយប្រសិនបើអ្នកប្រឈមគ្រប់គ្នាមានការយល់ដឹងអំពីមូលហេតុដែលបង្ករអោយកើតជម្ងឺនេះ ហើយពួកគាត់អាចមានការផ្លាស់ប្តូរទម្លាប់ក្នុងការរស់នៅបាន។ ជួបគ្នាម្តងទៀតសម្រាប់ប្រធានបទលើកក្រោយ

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ.