វិធីដ៏ត្រឹមត្រូវដែលយើងត្រូវអនុវត្តព្យាបាលជាមួយនឹងជម្ងឺកាមរោគស្វាយ

Last updated: ខែ​មីនា 6, 2024

• ហ្វេសប៊ុក
• Instagram
• ប្លក, រូបភាព
• តេឡេក្រាម
• កម្មវិធី WhatsApp
• LinkedIn
• សំបុត្រ

មានជម្ងឺអ្នកជម្ងឺជាច្រើននាក់ដែលធ្វើតេស្តរកឃើញជម្ងឺស្វាយ ( syphilis) ហើយពួកគាត់បានមកជួបខ្ញុំនៅផ្នែកជម្ងឺប្រព័ន្ធទឹកនោម។ អ្នកជម្ងឺខ្លះទើបតែមានជម្ងឺ អ្នកជម្ងឺខ្លះទៀតទទួលការព្យាបាលមកច្រើនលើកហើយតែបរាជ័យ។ ប្រធានបទនេះនឹងនិយាយអំពីវិធីដោះស្រាយលើជម្ងឺនេះតាមបច្ចេកទេសស្តង់ដារនឹងមធ្យោបាយការព្យាបាលដែលត្រឹមត្រូវហើយជោគជ័យ។

តាមរយៈទិន្នន័យចុងក្រោយពីនាយកដ្ឋានប្រឆាំងជម្ងឺឆ្លងរបស់សហរដ្ឋអាមេរិកកាលពីឆ្នាំ 2015ដែលហៅកាត់ថា USA Center of Disease Control (CDC) លើបញ្ហាការព្យាបាលជម្ងឺកាមរោគស្វាយនេះ គេបានណែនាំការព្យាបាលតាមរយៈការបង្ហាញដូចខាងក្រោមនេះ។

• ឳសថព្យាបាល
  • ការចាក់ថ្នាំផ្សះប្រភេទ Benzathine Penicillin G intramuscular តាមយរយៈសាច់ដុំ គឺជាកិច្ចអន្តារគមន៍និងការព្យាបាលដំណាក់កាលដំបូង។
  • ការលេបថ្នាំផ្សះប្រភេទ Doxycycline or Tetracycline ជាកិច្ចបន្ទាប់និងជម្រើសក្រោយពីការចាក់ថ្នាំហើយ។
• ការណែនាំនិងផ្តល់ចំនេះដឹងដល់អ្នកជម្ងឺ
  • ហាមមិនអោយមានសកម្មភាពផ្លូវភេទ (រួមទាំងការធ្វើអូរ៉ាល់សេកស៍)រហូតទាល់តែបញ្ចប់កម្មវិធីព្យាបាលនិងរាល់អាការៈសញ្ញានៃជម្ងឺនេះត្រូវបានដោះស្រាយនិងព្យាបាលបានត្រឹមត្រូវ។
  • តួលេខបញ្ជាក់ដ៏ល្អគឺប្រហែលជា ៧ថ្ងៃក្រោយបញ្ចប់កិច្ចព្យាបាល ព្រោះរយៈពេលនេះគឺជារយៈពេលដែលរាល់ស្លាកស្នាមនិងរបួសទាំងឡាយនៃជម្ងឺនេះគឺត្រូវបានជាសះស្បើយ។
  • ត្រូវតែបន្តអនុវត្តមិនប្រព្រឹត្តសកម្មភាពផ្លូវភេទ រហូតទាល់តែយើងដឹងច្បាស់ថាដៃគូរួមភេទរបស់យើងបានទទួលការព្យាបាលនិងបញ្ជាក់តេស្តអវិជ្ជមានពីគ្រូពេទ្យ។
  • អ្នកជម្ងឺគួរតែធ្វើការតាមដានលើចំនុចប្រតិកម្មក្រោយការព្យាបាលលើជម្ងឺកាមរោគស្វាយនេះ អោយបានជាក់លាក់ ការប្រតិកម្មក្រោយការព្យាបាលនេះគេអោយឈ្មោះជាភាសាអង់គ្លេសថា “Jarisch-Herxheimer Reaction” ។ ការប្រតិកម្មអាចកើតមានបានក្នុងរយៈពេល 24ម៉ោងបន្ទាប់ពីទទួលការព្យាបាល។ អាការៈសញ្ញានៃការប្រតិកម្មមានដូចជា៖ ស្បែកឡើងកន្ទួលក្រហមធម្មតា, ក្តៅខ្លួន, មិនស្រួលក្នុងខ្លួន, ឈឺសាច់ដុំ, ចង្អោរ, ក្អួត និងឈឺក្បាល។ ការប្រតិកម្មនេះកើតមានឡើងដោយសារសារធាតុ អ៊ីនដូថកស៊ីន endotoxin ត្រូវបានបញ្ចេញពីមេរោគស្វាយដែលបានស្លាប់។ សូមមេត្តាកុំបារម្ភសម្រាប់អាការៈប្រតិកម្មទាំងអស់នេះ ព្រោះវានឹងត្រូវបានដោះស្រាយក្នុងរយៈពេល 24ម៉ោងដោយសុវត្ថិភាពជូនលោកអ្នក។
  • ជម្ងឺឆ្លងតាមរយៈផ្លូវភេទដទៃទៀតដូចជាពពួកជម្ងឺ អេឆអ៉ាយវី HIV, ប្រមេះទឹកបាយបណ្តាលមកពីមេរោគ Gonorrhea និងប្រមេះទឹកបាយបណ្តាលមកពីមេរោគ Chlamydia នឹងត្រូវបាកដាក់ការសង្ស័យនឹងណែនាំអោយមានការធ្វើតេស្តពិនិត្យមុនជានិច្ច។

• អនុវត្តតាមតារាងការណាត់ជួបរបស់គ្រូពេទ្យ
  • ការធ្វើតេសត្តឈាមប្រភេទ VDRL blood test គឺជាប្រភេទតេស្តមួយដែលអាចជឿទុកចិត្តបានសម្រាប់ការតាមដានកត្តាជោគជ័យលើជម្ងឺកាមរោគស្វាយនេះ។
  • ប្រសិនបើតេស្តបង្ហាញផលជាទម្រង់ 4-fold decline in VDRL នោះមានន័យថាការព្យាបាលគឺបានសម្រេចជោគជ័យ។
  • ភាគច្រើនភាពអវិជ្ជមានពីតេស្ត VDRL អាចនឹងទទួលបានចាប់ពីរយៈពេល 6-12ខែបន្ទាប់ពីទទួលភាពជោគជ័យនែការព្យាបាលរួចរាល់ហើយ។

ប្រសិនបើលោកអ្នកមានសំនួរផ្សេងៗពាក់ព័ន្ធនឹងរឿងនេះ សូមលោកអ្នកមេត្តាស្វែងរកវេជ្ជបណ្ឌិតឯកទេសនៃជម្ងឺប្រព័ន្ធទឹកនោមដើម្បីទទួលការពិភាក្សាព្យាបាល។ ម្យ៉ាងវិញទៀតលោកអ្នកក៏អាចផ្ញើសំនួរទាំងនេះមកខ្ញុំបានដូចគ្នា។ ជួបគ្នាក្នុងប្រធានបទក្រោយៗទៀត។

អ្នកអាចចូលមើលគេហទំព័ររបស់ខ្ញុំ នៅទីនេះ.